Eliza Dushku: Basha është i ndershëm

Do ishte teprim të vijonim të shkruanim për vizitën e Eliza Dushkut në Tiranë. Ajo çka raportuam një ditë më përpara ishte thjesht një komunikim zyrtar. Por ajo që të bie në sy është se mediat pranë Bashës janë marrë gjerë e gjatë me vizitën e saj në krah të Bashës. Të bie në sy po ashtu se titulli që kanë përzgjedhur këto media për lajmin e Dushkut është pikërisht deklarata e saj se “Basha është i ndershëm”. Duke njohur mënyrën se si punon Basha me median, (kujtoni këtu se nuk shfaqet askund përpara medias pa një skenar paraprak), ky titull iu është dërguar gazetave të tij. Është e qartë se ai ka kompleks të qenit i pandershëm. Sepse nuk do kishte kuptim që mediat të merreshin me këtë deklaratë të saj, kur gjithë lajmi ishte tek marrja e titullit ‘Ambasadore nderi’ dhe përgatitja e një dokumentari për Shqipërinë.